SATga tayyorgarlik: qayerdan boshlash kerak

Digital SAT qanday tuzilgan

SAT ikki boʻlimdan iborat: Reading and Writing va Math. Har bir boʻlimda ikkita modul bor. 1-moduldagi natijangiz 2-modul osonroq yoki qiyinroq boʻlishini belgilaydi, eng yuqori ballar esa faqat qiyinroq 2-modul orqali ochiladi.

Boʻlim	Savollar	Vaqt
Reading and Writing	2 × 27 = 54	2 × 32 daqiqa
Tanaffus		10 daqiqa
Math	2 × 22 = 44	2 × 35 daqiqa
Jami	98	2 soat 14 daqiqa

Har bir boʻlim 200 dan 800 gacha baholanadi, umumiy ball 400 dan 1600 gacha. Toʻgʻri javoblar soni qancha ball berishini ball kalkulyatorida koʻring.

4 qadamli tayyorgarlik rejasi

1. Darajangizni aniqlang

   Bepul mini diagnostika taxminan 50 daqiqa davom etadi va xuddi haqiqiy imtihondagidek adaptiv. Natijada taxminiy ballingiz va eng koʻp ball yoʻqotgan uchta koʻnikmangiz chiqadi.

2. Zaif koʻnikmalar ustida ishlang

   Har bir koʻnikma boʻyicha 5 daqiqalik dars oʻqing (oʻzbek yoki rus tilida), soʻng 10 savollik toʻplam yoki mashqni yeching. Har bir savoldan keyin izoh chiqadi.

3. Har hafta bitta toʻliq sinov testi

   Vaqtli toʻliq test imtihon kuniga chidamlilikni oshiradi va oʻsishingizni koʻrsatadi. Natijalar grafigida maqsad qilgan ballingizga qancha qolganini kuzating.

4. Xatolarni qayta yeching, soʻz yodlang

   Xato qilgan har bir savol xatolar daftariga tushadi: ketma-ket ikki marta toʻgʻri javob bersangiz, u tuzatilgan hisoblanadi. Lugʻat esa SAT soʻzlarini oʻzbekcha va ruscha maʼnolari bilan takrorlatib turadi.

Qancha vaqt tayyorlanish kerak?

Bu boshlangʻich darajangiz va maqsadingizga bogʻliq, shuning uchun aniq raqam vaʼda qilmaymiz. Imtihon sanangizni kiritsangiz, Pro tarifidagi oʻqish rejasi qolgan haftalarni boʻlib beradi: avval koʻnikmalar, keyin har hafta test, soʻnggi ikki haftada esa ikkita test va barcha xatolarni takrorlash.

Bepul boshlang

Nega SAT Ustoz

Barcha savollar va izohlar SATdan 1530 ball (Math 790) olgan ustoz tomonidan yozilgan. Sizib chiqqan imtihon savollaridan foydalanmaymiz: bu College Board qoidalarini buzadi va natijani bekor qilishga olib kelishi mumkin. Toʻlov Uzcard yoki Humo orqali, savollarga esa Telegramda haqiqiy inson javob beradi.